Ab ovo...

Дзеці, праблемы, праблемы, праблемы, дзеці....Праца, праца, праца...А 5 - 6снежня трэба ехаць на рэспубліку - наша даследчая работа прайшла на моладзевую краязнаўчую канферэнцыю!  Думаю, будзе адзін суцэльны імправіз, бо са сваёй разумніцай Дашай дзелімся думкамі дыстанцыйна!) Ну не першы ж раз!))  Цікава паслухаць іншыя даследаванні, бо рэдка выпадае вырвацца на такія вось "святы" А 6 снежня Дзень нараджэння маёй любай жоначкі - трэба паспець!!!! А там ізноў - дзеці, праблемы, праблемы, праблемы, дзеці....Праца, праца, праца... Жыццё, адным словам!))

Шчасця ўсім!

Я багаты на добрых людзей!)

Сёння ў размове з навучэнцамі неяк "тармазнуў" сам сябе на думцы, што працую ў сваім каледжы 27 гадоў!))) Сапраўдны мамант!))) Горац))), як жартуюць мае былыя вучні, а я дзякую лёсу за тое, што спрычасціўся творчасці такіх таленавітых асоб, якіх не сустракаў нідзе !!! Вось тут я багач! Багаты на людзей  феерычна - фанатычна адданых культуры і гісторыі беларусаў! Жыцё такі ўдалося!)
Знаёмцеся - герой гэтай цудоўнай кагорты, яшчэ той залатнік - майстар  Мікола Гіз. Таленавіты ва ўсім!!! Малюнкі, разьба, сталярка, ігра на трубе - альце, ды проста шыкоўны чалавек!
(Фота скарыстаў з падборкі нашай…

"Как - та всё у вас проста..."

Вось, вось! Простыя мы  аж да знямогі!!! Гэта я так  аб сабе ды сваёй скрыні батлейнай.
...Тэлефон ажыў прыемным і бадзёрым жаночым голасам, які пацікавіўся, ці магу я дапамагчы ў правядзенні этна-культурнага семінару для краязнаўцаў. А чаму б  жанчыне і не дапамагчы), а заадно і з краязнаўцамі пазнаёміцца: цікавыя ж яны людзі, многа чулі, многа бачылі!)) Тым больш, майму новаму складу акцёраў недзе ж трэба прайсці баявое хрышчэнне публікай!)) Як бы дамовіліся, скінуў нашыя фота, пералічыў выступленні на фестывалях ды мерапрыемствах і папрасіў  больш канкрэтна расказаць аб пляцоўцы ды агульнай…

Дзень па Шрэдзінгеру

Работы - свет!!!! Адкуль яе столькі бярэцца!!!! Перадвыхадны дзень, але лятаю як шалёны венік, нават вахцёр не паспявае фіксаваць... Адным словам, матэрыялізую прынцып Шрэдзінгера: я дзесці ў гэтай прасторы!)))

І ў гэтай тупаніне вяртае да рэчаіснасці тэлефонны званок , дзе праз дзіцячае шчабятанне жаночы голас прамаўляе, што яны ўжо амаль на месцы, што гатовы да батлеечнага дзеяння хоць цалюткі дзень! 

Чарга праблемных момантаў, што дагэтуль рытмічна запаўняла шэрае рэчыва, у адначассі застыла і нават палахліва сціснулася: якая батлейка, якія дзеці - пытанняў цалюткі воз, а наперадзе выхадныя…

Дзяды

Дрыготкім полымем трымціць апошні ліст на яблыні. Так, позняя восень, "глухая асяніна", як казалі калісці. Дык чаго ж хацець, не век жа лістам шумець: усяму свой час!А лісток усё дрыжыць, трапечацца і аніяк не хоча адрывацца ад тае роднай галінкі, і , пэўна, трымаецца ён за тыя вясеннія дні, калі толькі пабачыў свет, за чэрвеньскае сонца, што лашчыла яго блішчастыя бакі, за жнівеньскі ветрык, што спяваў яму песні далёкіх прастораў...Дрыжыць, трапечацца, і яго палымяна -ружовыя водсветы сярод спахмурнелага наваколля сціскаюць соладка сэрца і хочацца, каб назаўтра прачнуўшыся раніцой, ізноў…

І сэрцам, і думамі - назаўсёды!

Яму не  было і 55! Нібы сціснулі сэрца! Сёння не стала Алега Моўчана... Разгубленасць і жаль... Таленавіцейшы чалавек у беларускай музыцы, сціплы прафесіянал, без зорнай хваробы, без недасягальнай "кароны",   кампазітар,  музыка якога зрабіла знакавымі кампазіцыі "Песняроў" і засталася ў душах людзей назаўжды.
Можна біць у грудзі , крычаць аб любові да Радзімы, а ён проста ціха, па простаму любіў, як і патрэбна, не словамі - душой!
І гэтая любоў раскрыла  душу адвечнай купалаўскай "Малітвы", данесенай нам незабыўным  Мулявіным, каб разам з гэтымі зоркамі ззяць вечна на небасхіле Беларусі.

Роздум

Ну вось, мой тэлефон бадзёра паведаміў, што ў маёй вучэльні спаць усе пакладзеныя, усе "кантрольныя кропкі" з'явіліся ў час (ага, яны ж, "кропкі" мае,  мне першыя адтэлефанавалі, што трошкі спозняцца),  можаце разслабіцца пан начальнік!))) Так вось, разслабляюся, ёсць час больш падрабязна пракруціць размовы за дзень з "народам", бо назаўтра новыя пытанні паўстануць, "народ" пытанні любіць!))
Вось і сёння: "А што ж Вы не дома так позна, што гэта за жыццё і як гэта вас там (дома) церпяць???" Ну што ты ім скажаш? Вось, кажу, што не было б тады каму і пытанні задаваць  - смяюцца, прапаноўваюць чай…

А на сэрцы так цёпла!!!

Так вось і прабягаюць дні: то адны госці, то другія - сумаваць аніяк не прыходзіцца! Толькі вось  усё меней і меней часу застаецца на працу па стварэнню новай батлеечнай рэканструкцыі, і калі гэта я буду ўсё рабіць нават не ведаю! 
Але госці - гэта крута!!! Яны такія розныя, і патрэбы, з якімі яны прыязджаюць, таксама такія розныя: ад цікавасці да дзяжурнай ветлівасці.  Я люблю вас, мае дарагія людзі! Люблю зрывацца, каб распавесці аб нашых старадаўнасцях і проста атрымліваю асалоду, калі  лялька спрабуе ажыць у вашых руках! 
Люблю адшукваць у вашых вачах  агеньчык дзяцінства і проста  класна…

Проста ўсё склалася!


Фінальная сустрэча праекта...Не буду казаць "на жаль...", бо ўбачыў такую зацікаўленнасць удзельнікаў у далейшым развіцці, што, здаецца, гэты фінал пачатак нечага новага, незвычайнага ў нашых творчых стасунках! 
Я шчыра дзякую спадару Сцяпану Стурэйку…

Ты мне родная самая...!

Усіх віншую з Днём Мамы!!! Няхай неба ў іх вачах ніколі не цямнее, а хмаркі будуць толькі ў нябёсах, а не на сэрцы! І ўсё гэта  так цяпер залежыць ад нас саміх! Са святам, матулечкі! Я ведаю, што кожная з вас, хто адкрыта, а хто ўпотай, благаслаўляе кожны дзень, а мо і кожную хвіліну, нас, сваіх няўрымслівых дарослых дзяцей, якім няма калі, і трэба спяшацца, бо сустрэча, бо праца, бо..., ну знойдзецца яшчэ акіян прычын! Даруйце нам гэтую спяшлівасць, даруйце  халоднасць і жарсткаватасць размоў, даруйце, даражэнькія, бо там, у сэрцы. столькі любові да вас!!!! Ды вы і так гэта ведаеце, бо…

batleya
211 постов
Последние комментарии
Lapka 12.01.2021 10:43
Allusik 11.01.2021 16:48
function li_counter() {var liCounter = new Image(1,1);liCounter.src = '//counter.yadro.ru/hit;bloger?t44.6;r'+((typeof(screen)=='undefined')?'':';s'+screen.width+'*'+screen.height+'*'+(screen.colorDepth?screen.colorDepth:screen.pixelDepth))+';u'+escape(document.URL)+';'+Math.random();}