Вясна

Апошнія дні водпуску. Вясновы Мір проста лашчыць вока і чаруе сваёй непаўторнай свежасцю  фарбаў сонечнага дня. Апошнія спакойныя крокі,  без пазачарговых хваляванняў за праекты, конкурсы, артыкулы, праблемы першага кахання і якога ўжо па ліку расчаравання ў гэтым жа каханні)) маіх падапечных - проста крочу дамоў у вясновай нірване.
Неяк зусім не па сапраўднаму выглядаюць пуставатыя стаяначныя месцы ля агароджы Мірскага замку! Нічога не зробіш, суровыя каранавірусныя рэаліі!( Заходжу ў любімае кафэ - таксама цішыня. За прыемнай  размовай з барыста  выпіваецца кава і затым колькі хвілін…

Спасціжэнне.

"Праграма выступлення калектываў са званнем "народны" і "узорны" пераносіцца на няпэўны тэрмін" - так прагучала  паведамленне ў Вайберы.  Пасля такой уводнай толькі і заставалася, што пайсці дамоў і ўрачыста даадпачываць час свайго водпуску)))  А па дарозе ну аніяк не абыдзеш Мірскі замак! Часу процьма і я  пайшоў блукаць ля яго магутных сцен. Рэдка вось так, без якойсці нагоды,  даводзіцца  ў сваё задавальненне пабыць сам насам з такой старадаўняй веліччу! Амаль поўдзень, а ў замку такая ціш! Нікога! Здаецца зачыненыя дзяржаўныя  межы недзе там, за сценамі! Цішыня ў двары і нават людзі з …

Пра песню.

Глядзеў сёння трансляцыю адбору выканаўцаў на "Славянскі базар 2020" з Ліды. Каюся, пачаў глядзець не мэтанакіравана, але такі ж зацікавіла: самадастатковыя выканаўцы, маладыя, нават дзёрзкія  некаторыя (у творчым плане), ды і няма ў краіне такіх шоў, дзе можна пабачыць перспектыўных выканаўцаў, а пасля падпяваць іх кампазіцыям.
Ну наконт падпяваць, як заўжды -  даволі складаны меладызм, адразу і не запомніш, а хацелася б, бо вакальныя здольнасці сапраўды класныя ў большасці!!! І вось, пытанне такое - няўжо няма кампазітараў у нас, каб ствараць сапраўды хітовыя рэчы? Думаю і яны ёсць, але ж…

Такая вось гісторыя!))

Эх, даражэнькія мае, класна, калі мы яшчэ жартуем над каронавыклікам нашага часу!)) Вось і польскія гісторыкі не застаюцца ў баку і па свойму паглядзелі на Рэч Паспалітую 16-17 стагоддзя як федэрацыю Пльскай Кароны і вялікага княства Літоўскага, Рускага і Жамойцкага!)))
Люблю гумар з густам!
https://www.facebook.com/zahadki/?__tn__=%2CdkCH-R-R&eid=ARDzFlq2atXy8ad_u6je7ndhSb5T2FmGOx_RFRn2KyimIhAygi1iEcWJE2c1NTx-Pk-Qoj-KYCRf0bku&hc_ref=ARS48u95cNFkI0h2J9fOHdrMluSImWtnHs5S-G1rKiqYYcRu27nwv-FfqnF6zD2fy8s&fref=nf&hc_location=group 



Са святам!!!

Нябёсаў ростань, зорны далягляд,
Увесь Сусвет існуе па прычыне:
Вачэй каханых радасны пагляд,
Любоў твая, адзіная Жанчына!

Са святам, мілыя жанчыны! Няхай святочны настрой заўсёды будзе з вамі!!!

 

Гаючыя фарбы.

...А я і цяпер вось туды б запабег,
Дзе ноччу раса, нібы зоры на кветках,
Дзе сэрцу ўсё роўна -  слата альбо снег - 
Блукаць да пазна па здзічэлых палетках.
Дзе ногі знаёмай сцяжынкай вядуць, 
Дзе ржышча на полі не коле, а лашчыць
І дзе спарахнелым крыжам з ціхай ласкай
Стамлёнай рукою сурвэтку прыткнуць.
Дзе вее цяплом ад старэнькае прызбы, 
Дзе шашаль адвечную казку рыпіць. 
Дзе сэрцам спачнеш за абсеўшаю выспай,
Дзе людскасць сваю не змяніць, не забыць!

  • 16
  • интересно
  • batleya
  • 4 марта 2020 22:20

Голас сэрца.

Цяжка сёння без яго! Цяжка так, як быццам нейкія важныя словы  патрэбна сказаць, а сказаць так каб усім было ясна і да самага сэрца - ну аніяк! 
Што ж, памяць застаецца і гэта грэе ў гэтым няпэўным часе збалелыя душы беларусаў! Дзякуй табе, Божа, за тое, што не абмінаеш нашую зямельку такімі светлымі зорнымі душамі! Іх светам і цяплом будзем жыць для Радзімы!

На ўсё жыццё!

"Ну як табе сёння Дзень мовы? - спытаў мяне знаёмы,- Ведаеш, прыкольна! Ахвота і заўтра вось так, класна, па беларуску!"  Пасміхаюся толькі ад задавальнення! Так, душы ж не схлусіш!!! Што яшчэ сказаць?
І сёння, і заўтра, і пасля, нават калі буду сыходзіць з гэтага зіхоткага свету, вусны будуць шаптаць аб  маёй Богам абранай  Беларусі! А Яе  крыжовы шлях такі няпросты! І я  хоць на адзін каменьчык лягу, каб  імгненне палёгкі даць Ёй!

Мне бы гукам ціхуткім стаць
З вуснаў шчырых да неба ліцца
Каб маліцца за сенажаць,
За дубровы твае маліцца!
За цябе, Радзіма мая,
За тваіх калыханак словы

"У людзях"))

А сёння мы з батлейшчыкамі пайшлі "у людзі", а пэўней сказаць - у бібліятэку, бо там, напярэдадні Дня роднай мовы, сёння адбывалася нашая традыцыйная сустрэча з жыхарамі нашага пасёлка.
Ніколі не думаў, што такія сустрэчы стануць традыцыйнымі, што людзі будуць прыходзіць і з непадробнай цікаўнасцю слухаць аб нашых батлеечных справах! Але як добра, што кожны год прыемна здзіўляе паўнюткая зала гасціннай мясцовай бібліятэкі, няхай сабе і не такая вялікая)), але такая ўтульная, камерная - якраз тое, што і патрэбна батлейцы - адчуванне сямейнага свята.
Вось ужо пяты год запар мы традыцыйна…

Мова

Я люблю сваю мову! Дзіўна неяк гучыць гэта, бо напрошваецца пытанне: "А як жа па іншаму??" Ды і пішу не таму, што вось скора ўжо 21 лютага - Дзень роднай мовы. Проста доўга нічога не пісаў - праца, турботы, час нібы нават паскорыўся і яго катастафічна не хапае нават перакінуцца парай другой слоў са знаёмымі  ва ўтульнай кавярні!
А вось сёння нешта такі сышлося  і Яго Вялікасць Час змілаваўся нарэшце нада мной і адпусціў колькі свайго бясцэннага  рэсурса на нейкія вольныя паводзіны!))))
 ...У кавярні сапраўды неяк па асабліваму ўтульна, і маленькія філіжаначкі проста ззяюць так прызыўна і…

batleya
211 постов
Последние комментарии
Lapka 12.01.2021 10:43
Allusik 11.01.2021 16:48
function li_counter() {var liCounter = new Image(1,1);liCounter.src = '//counter.yadro.ru/hit;bloger?t44.6;r'+((typeof(screen)=='undefined')?'':';s'+screen.width+'*'+screen.height+'*'+(screen.colorDepth?screen.colorDepth:screen.pixelDepth))+';u'+escape(document.URL)+';'+Math.random();}