З Днём нараджэння, Маляваныч!)

Такі загаловак гэта ні якая не фамільярнасць! Я напісаў яго з вялікай цеплынёй душы і павагай да яго,  найталенавітага акцёра и чалавека проста неабдымнай любові да ўсіх, хто адчувае ў гэтай любові патрэбу!!!
Дарагі Аляксандр Ждановіч! Вашыя ролі ў тэатры і кіно і сёння застаўляюць "выпростваць" сваю душу, бо ў кожным Вашым слове і руху спраўджваецца старая мудрасць - "Дзе проста там і анёлаў са сто!"
Кожны раз, калі мы сустракаемся на фестывальных паказах, я заўсёды задаю сабе пытанне - а ці змог бы я так? Ці змог бы, пасля рэпетыцый, спектакляў, не зважаючы на нейкі свабодны час, ляцець у…

22 чэрвеня.Сёння была вайна!

Так склалася. што гэты дзень мы не ўспамінаем з той урачыстасцю пераможных дзён, не пераапранаемся ў стылізаваныя гімнасцёркі, не гучаць паўсюдна песні ваенных гадоў... А можа так і патрэбна? Якая ж весялосць у дзень, калі пачалася страшэнная  катастрофа, што каштавала чалавецтву дзесяцігоддзі паўнацэннага развіцця, што падняла на шчыт зусім не чалавечныя ідэі першынства пэўнай расы!
"Балючая тая памяць,- казаў калісці наш вясковы каваль дзед Савуль, - страшна было, бо прагляду аніякага ўперадзе! І не выбухі страшныя, а тое, што ўся гэтая бяда ніколі не скончыцца! Як жа вытрымаць гэта? То мне…

Яны вярнуліся!

Сёння ў каледж пачалі з'язджацца  будучыя выпускнікі! Даўнавата не бачыліся з імі - як жа, 3 месяцы на пераддыпломнай практыцы, а здаецца - вечнасць!) Пасталелі!) Люблю гэтыя моманты, калі ёсць трошкі часу пабачыць з боку як выраслі дзеткі!)
А яшчэ - яны прывезлі творчыя работы, прывезлі, дапрацавалі ў майстэрнях і сёння вось прынеслі на суд кваліфікацыйнай камісіі. заўсёды прапаную для гэтых мэтаў тэатральны зал Батлейкі - там усё спрыяе навучэнцам і члены камісіі па іншаму глядзяць на творчыя пошукі  маладых мастакоў-рэстаўратараў!)
А я люблю, калі ўсё ўжо разстаўлена, дачакацца спакойнага…

Ганаруся!

Нядаўна на сайце "Нашай Нівы" убачыў артыул аб цудоўным чалавеку, сапраўдным захавальніку гісторыі свайго мястэчка, і што асабліва прыемна, аб маім колішнім навучэнцы Лёшы Жахаўцу.

https://nn.by/?c=ar&i=231687  

Яшчэ ў яго навучэнскія гады мы з ім і яго сябрамі шукалі і збіралі франтавыя пісьмы для стварэння экспазіцыі ў музейным пакоі, а пасля Лёша пакінуў мне пісьмы свайго дзядулі Уладзіміра Жахаўца, даследаваннем якіх займаліся ўжо новыя мае даследчыкі і работа выйшла такая класная!!!
Лёша і цяпер не забываецца на маю ахвоту да гістарычных вышукаў і калі яму трапляе хоць нейкая гістарычная…

Прыемнае пасляслоўе

Вось і праімчаў час, хутка ды неяк раптоўна, і вось ужо  першы дзень новага тыдня сканаў, а так хацелася ў суботу, каб свята доўжылася яшчэ б з тыдзень!))
Я не вельмі спадзяваўся на нейкае грандыёзнае відовішча, дастаткова было таго, што ў старажытным Мірскім замку сабраліся знакамітыя пісменнікі, тут , пад бокам, у адным месцы!!! А яшчэ - безліч гандлёвых радоў з кнігамі - ды якімі!!!

Цікавая субота.

Чакаю суботу. Надышоўшая летняя спёка робіць выхадныя дні па сапраўднаму свабоднымі ад хатняй мітусні, а тут якраз у Мірскім замку адбудзецца  Фестываль кнігі - даволі цікавае мерапрыемства! Павінны прыехаць з прэзентацыяй сваіх выданняў і Людміла Рублеўская, Ірына Данеўская, Анатоль Бутэвіч са сваімі гістарычнымі  творамі, і  Уладзімір Місевіч са сваёй прэмьернай кнігай аб славутых "Песнярах" ды многа яшчэ якіх аўтараў, а галоўнае - усе ў адным месцы! Гэта здорава!!!
Таму запрашаю і вас, дарагія сябры пры магчымасмці наведаць гэтае мерапрыемства!
Вось і праграмку для цікаўных падседзеў!)))


Думкі ўслых...

Сёння ў адказ заўважыў, што карона не шапка і толькі потым зразумеў, што цытую Сапунова!  Сто гадоў не слухаў, а варта было б штодзень!...

 

MIR 1812. Будзем чакаць!!!

13 і 14 ліпеня ў нашым Міры ізноўку будзе праходзіць фестываль -рэканструкцыя падзей 1812 года. а дакладней бітвы пад Мірам, дзе рускія казачыя войскі сутыкнуліся з перадавымі палкамі напалеонаўскай арміі, а яшчэ дакладней, з польска-літвінскімі  воямі генерала Ражнецкага.
Хочацца сустрэцца з польскімі рэканструктарамі - класныя хлопцы!))

  • 13
  • интересно
  • batleya
  • 11 июня 2019 23:42

Дзякуй, ББ!!!)

Сярод паўсядзённай працоўнай мітусні парадавала прыемная навіна -  конкурсная прэзентацыйная праграма этнакультурнай дзейнасці нашай "Батлейкі",  што ладзіў са сваімі "мацёрымі" батлеямі Дашай ды Кірылам на аснове блога "Этнашкола батлейкі запрашае!", заваявала Дыплом 1 ступені на рэспубліканскім творчым фестывалі "АРТ-вакацыі"!) Прыемна нам усім, бо добра папрацавалі!!!))

Былое...

Знайшоў старое фота і неяк добра так шчыманула - гэта ж колькі часу прайшло!!! Звычайная фотка. Але ж персанаж - ого-го. Вось так, шаноўныя, выглядала у нашым Міры напрыканцы 90-х гадоў дастаўка  хлеба - конік і будка на калёсах, прычым колішні мэр, вельмі гаспадарлівая жанчына - руплівіца Іна Ўладзіміраўна (вечная ёй памяць!), патрабавала і правярала наяўнасць у кіроўцы  хлебнага  "трэйлера" венічка-дзяркача і вядра для збору "выхлапных прадуктаў" коніка!)))) І гора было тым, хто не меў такога інвентара - цяперашнія "гайцы" дзецьмі б здаліся!)))

  • 11
  • интересно
  • batleya
  • 5 июня 2019 23:31
batleya
154 поста
Последние комментарии
function li_counter() {var liCounter = new Image(1,1);liCounter.src = '//counter.yadro.ru/hit;bloger?t44.6;r'+((typeof(screen)=='undefined')?'':';s'+screen.width+'*'+screen.height+'*'+(screen.colorDepth?screen.colorDepth:screen.pixelDepth))+';u'+escape(document.URL)+';'+Math.random();}