Этнашкола батлейка запрашае! / Любоў з умовамі.

Калі Ён прыйшоў у свет, то з ім прыйшла тая Любоў, якая сапраўды робіць нас людзьмі! "Міласці хачу, а не ахвяры" (Мф 9:13) 
...Позні вечар и позні званок...Ментарскі голас таты-апекуна абурана распавядае, што мой хлапец - сірата прыехаў без капейкі, а яму ж трэба карміць яго іг.д. Я магу амаль не слухаць такія скаргі, бо за амаль 30 гадоў педагагічнай працы змест іх нязменны  - "такіх як ён толькі магіла выправіць...", "ніякай слухмянасці, толькі буркае..."  ну і г. д. Кажу яму ў адказ, каб адмаўляўся ў такім разе ад патраната, але мае словы патанулі ў бездані лічбавай прсторы мабільнага аператара, а не ў разуменні "справядівейшага" таты. Пытаюся з трывожным прадчуваннем, дзе ж той неслух, а мне ў адказ: "Мы з сям'ёй прагналі яго назад, у Мір" Мне з цяжкасцю хапіла тактоўнасці спакойна закончыць размову, а потым "валідоліць" на працягу некалькіх гадзін, пакуль голас вахцёра з інтэрната каледжа не паведаміў, што Андрэй прыехаў.
Так, хлапец не падарунак, можа выкінуць розныя фокусы, але ж ...жывёліну цяжка выгнаць з хаты ў непагоду, а тут чалавек... Хмурны пагляд з-пад ілба і неўтаймаваная віхурыстая прычоска былі гатовыя  вытрымаць яшчэ не адну дарослую "атаку", але  свечку запальваюць ў вакне не для таго, каб высмаліць вочы, а каб кожны ведаў, што за гэтым вакном цябе чакаюць любога, бо мы ж аднолькавыя, мы ж людзі!
І як навучыць любіць таго, каму пастаянна ставілі ўмовы, каб даць магчымасць дакрануцца да Любові? Памажы, Божа!